ຄວນ​ຮູ້ສຶກ​ໃນ​ຄຳ​ສອນ​ຂອງ​ພໍ່ກະ​ດວດ ​ໃນ​ຄຳ​ເວົ້າ​ຄວາມ​ດີ​ຂອງພໍ່​ກະ​ດວດ

.1:ເລີ້ມ​ແລກ​ ຄ​ຳສອນຂອງ​ພໍ່​ ລູກ​ຄົງ​ຈຳ​ໄດ້​ວ່າ ​ເມື່ອ​ມີ​ບັນຫາ​ຢ່າ​ລະ​ຖິ້ມ​ໜ້າ​ທີ່ ຖ້າ​ລູກບໍ່​ລະ​ຖິ້ມ​ໜ້າ​ທີ່ ບັນຫາ​ກໍ່​ເບິດ​ໄປ​ດ້ວຍ ກາ​ຣທຳ​ຕາມ​ໜ້າ​ທີ່

ທີ່​ມີ​ບັນຫາ​ຢູ່​ທຸກ​ວັນ​ນີ້ ​ເພາະວ່າ ຄົນ​ເຮົາ​ລະ​ຖິ້ມ​ໜ້າ​ທີ່

.2: ໜ້າ​ທີ່​ຂອງ​ຄົນ ​ເປັນ​ສິ່ງ​ຕ້ອງ​ປະຕິບັຕ ບໍ່​ວ່າ​ໃຜ​ຫຼື​ຜູ້​ໃດ​ ກໍ່​ຕ້ອງ​ມີໜ້າ​ທີ່​ຂອງ​ຕົນ​ເອງ ແລະ​ແຫ່ງ​ກາຣທຳ​ໜ້າ​ທີ່​ນັ້ນ ຈັກ​ທຳ​ໃຫ້​ລູກ​ຈະ​ເຣີນ ຈັກ​

ທຳ​ໃຫ້​ລູກ​ກ້າວໜ້າ ຈັກ​ທຳ​ໃຫ້ລູກ​ມີ​ຄວາມ​ສຸຂຕາມ​ຖານະ ຈັກ​ທຳ​ໃຫ້​ລູກ​ມີ​ຊີວິດ​ຕຣອດປອດ​ພັຍ ຈັກ​ທຳ​ໃຫ້​ລູກ​ຢູ່​ດີ​ກິນດີ ຈະ​ຕາຍ​ກໍ່​ຕາຍ​ດີ

.3:ເມື່ອ​ລູກ​ພໍ​ໃຈ ກໍ່​ຢ່າ​ໄປ​ຢາກ​ໄດ້​ຈົ່ນ​ເກີນ​ໄປ ​ເມື່ອ​ບໍ່ພໍ​ໃຈ​ ກໍ່​ຢ່າ​ໄປ​ທຳລາຍ​ສິ່ງ​ນັ້ນ​​ເສັຽ ຕ້ອງຝຶກຫັດ​ທຳ​ໃຈ​ໃຫ້​ປ່ອຍ​ວາງ ​

ເມື່ອ​ປ່ອຍ​ວາງ​ໄດ້ ກໍ່​ບໍ່​ເປັນ​ໂລກ​ປະສາດ​ ບໍ່​ພາດ​ຈາກ​ຄວາມ​ດີ

.4: ກາຣຈະ​ທຳ​ສິ່ງ​ໃດ ຂໍ​ໃຫ້​ລູກ​ຕຽມ​ພ້ອມ ໝາຍ​ເຖິງ​ກາຣກະ​ຕຽມ​ປ້ອງ​ກັນ​ແກ້​ໄຂໃວ້ລ່ວງໜ້າ ​ໃນ​ສິ່ງ​ຕົນ​ເອງ​ກຳລັງ​ກະທຳ​ຢູ່ ຫຼື​ເຫ​ຕຸ​ກາຣນັ້ນ

​​ໄກ້​ຈະ​ມາ​ເຖິງ ​ກາຣຕຽມ​ພ້ອມ ຈຶ່ງ​ເປັນກາຣປ້ອງ​ກັນ ​ແລະ​ແກ້​ໄຂ​ບັນຫາ​ໄດ້​ຢ່າງ​ດີ​ທີ່​ສຸດ

.5: ກາຣສຶກສາ ​ເປັນ​ສິ່ງ​ທີ່​ລູກ​ຕ້ອງກະທຳ​ໃນ​ທຸກ​ເວລາ ທັງ​ເວລາ​ທີ່​​ເຮົາ​ຍັງ​ນ້ອຍ​ຢູ່ ຫຼື​ມີ​ອາຍຸລຸ້ນໜຸ່ມ​ສາວ ​ແມ່ນ​ກະທັ້ງຍ່າງ​ເຂົ້າ​ສູ່​ໃວຊະຣາ

(ພໍ່​ແມ່​ເຄີຍ​ເຕືອນ​ລູກ​ວ່າ)ຈົ່ງໃຫ້ມີສັນທະ​ແລະ​ຢ່າ​ອວດ​ຮູ້ ຈົ່ງ​ໃຫ້​ມີ​ສັນທະ​ ໃນ​ກາຣຮຽນ​ຮູ້​ຝຶກ​ຝົນ ​ແລະ​ໃຫ້​ມີ​ໃຈ​ຮັກ​ໃນ​ກາຣຮຽນ​ຮູ້​ນັ້ນໆ

ຂອງ​ຕົນ (ຢ່າ​ອວດ​ຮູ້​ວ່າ​ຂ້ອຍ​ຮູ້​ແລ້ວ ວ່າ​ຂ້ອຍ​​ເຮັດເປັນ​ແລ້ວ​ ວ່າ​ຂ້ອຍ​ເກັ່ງ​ແລ້ວ ​ແລະຄິດ​ວ່າ​ເຮັດ​ເອງ​ໄດ້​ແລ້ວ)​ເພາະ​ຄົນ​ອວດ​ຮູ້ ຄື​ຄົນ​ປະໝາດ

ອັນ​ຈັກ​ນຳ​ໄປ​ສູ່​ຄວາມ​ເສັຽຫາຍ​ໄດ້

.6: ຂໍ​ໃຫ້​ລູກ​ຈຳ​ໃວ້ວ່າ ມີ​ແຕ່​ຄວາມ​ອ່ອນ​ນ້ອມ​ຖອມຕົວ ຄົນ​ຈຶ່ງ​ຮັກ​ເທົ່ານັ້ນ ​ທີ່​ຈະ​ທຳ​ໃຫ້​ໃຜປະສົບ​ ຄວາ​ມສຳ​ເຣັດ ​ເຖິງ​ແມ່ນ​ຈະ​ເກີດ​ຂຶ້ນ ກໍ່​ມີ​ໄດ້​ບໍ່​ນານ

.7: ຍາມ​ເມື່ອ​ອອກ​ເດີນທາງ ຕ້ອງ​ຕຽມ​ກາຣ​ເດີນທາງ​ໃຫ້​ພ້ອມ ​ແລະ​ຕ້ອງ​ຕຽມ​ຜົນ​ກາຣສຳ​ຫລັບ​ກາຣ​ເດີນທາງ ຕ້ອງ​ຕຽມ​ສະບຽງ ຕ້ອງ​ຕຽມ​ພາຫາ

ນະ ຕ້ອງ​ຕຽມ​ເງິນ​ທອງສຳ​ຫລັບ​ໃຊ້​ຈ່າຍ ສ່ວນ​ຮ່າງກາຍ​ ກໍ່​ຕ້ອງ​ຕຽມ​ໃຫ້​ພ້ອມ ສ່ວນ​ດ້ານ​ຈິດ​ໃຈ ​ກໍ່​ເຊັ່ນ​ດຽວ​ກັນ ຍິ່ງ​ຕ້ອງ​ໃຫ້ຮູ້ຈັກ​ຕຽມ​ໃຈໃຫ້​ພ້ອມ

ນັ້ນ ຄື ບໍ່​ໃຫ້​ປະໝາດ ​ເພາະ​ຄົນ​ບູຮານ​ເພິ່ນ​ຈຶ່ງ​ສອນ​ໃວ້ວ່າ ຕຽມ​ປ້ອງກັນ​ໃວ້ ຈະ​ຕາມ​ແກ້​ພາຍຫລັງ ​ພໍ​ເມື່ອ​ຄາວ​ຊວຍ​ແລ້ວ​ຈະ​ແກ້​ບໍ່​ທັນ

.8: ລູກທຸກ​ຄົນ​ເກີດ​ມາ ຕ້ອງ​ມີ​ຄວາມ​ຮັກ​ກັນ​ທຸກ​ຄົນ ​ເມື່ອ​ລູກ​ມີ​ຄົນ​ຮັກ​ ແລະ​ຖ້າ​ເຂົາມາ​ຮັກລູກ ທີ່​ຮູບ​ສວຍ​ງາມ​ຂອງ​ລູກ ທີ່​ລ້ຳ​ລວຍ​ຊັບ​ຂອງ​ລູກ

ບໍ່​ນານ​ເຂົາ​ຈະ​ຖິ້ມ​ລູກ ​ແຕ່​ຖ້າ​ເຂົາຮັກ​ລູກ​ຢູ່​ທີ່​ຈິດໃຈງາມ​ຂອງ​ລູກ ​ເຂົາ​ກໍ່​ຮັກ​ຍືນ​ຍາວ​ນານ ລູກ​ຈົ່ງ​ພິຈາຣະນາ​ໃຫ້​ຖ້ວນ​ທີ່ ລູກກໍ່​ເຊັ່ນດຽວ​ກັນ

ຈົ່ງ​ຢ່າ​ຮັກ​ໃຜ​ທີ່​ຮູບ​ງາມ ຈົ່ງ​ໃຫ້​ຮັກ​ເຂົາ​ທີ່​ຈິດ​ໃຈ​ອັນ​ງາມ ຈົ່ງ​​ໃຫ້ຮັກ​ເຂົາ​ ທີ່​ເປັນ​ຄົນດີ ໃນ​ຄວາ​ມກະຕັນຍູ ຈົ່ງ​ຮັກ​ເຂົາ ​ທີ່​ມີ​ຄວາມ​ອົດທົນ

ຂຍັນ​ປະຢັດ​ຊຶ່ສັດ ​ແລ້ວ​ຖນອມຕົນ​ເປັນຄົນດີ

.9: ພຣະທັມ​ມີ​ຄຳສອນ​ກ່າວ​ໃວ້ວ່າ ມີ​ຄົນ​ຫລາຍ​ຄົນ​ ທີ່​ຈົນ​ເພາະ​ກິນ ມີ​ຄົນ​ຫລາຍ​ຄົນ ທີ່​ຊົ່ວເພາະກາມ ມີຄົນ​ຫລາຍ​ຄົນ ​ທີ່​ຊົ່ວ​ເພາະກຽດ ​ເພາະສະ​ນັ້ນ​

ຂໍ​ໃຫ້​ລູກຈົ່ງຣະວັງ​ໃຫ້​ດີ ຈົ່ງມີ​ກິນ​ໃຫ້​ເປັນ ຈົ່ງ​ມີ​ກາມ​ໃຫ້​ເປັນ ຈົ່ງ​ມີ​ກຽດ​ໃຫ້​ເປັນ ​ເມື່ອ​ມີ​ເປັນ ​ກໍ່​ບໍ່​ເປັນ​ທຸກ ຖ້າ​ລູກມີບໍ່​ເປັນ ກໍ່​ເປັນ​ທຸກ ຢ່າງ​ແນ່ນອນ

.10:ເມື່ອ​ລູກ​ຈັກ​ຄິດ ຈັກ​ເວົ້າ ຈັກ​ເຮັດ​ອັນ​ໃດ ຂໍ​ໃຫ້​ເບິ່ງ​ໄປ​ຂ້າງ​ໜ້າ​ເບິ່ງ​ໃຫ້​ຍາວໆ ​ເບິ່ງເຖິງ​ອະນາ​ຄົດ ຫຼື​ ທີ່​ເຂົາ​ເອີ້ນ​ກັນ​ວ່າ ​ເບິ່ງ​ກາຣໄກ ຄົນ​ທີ່​ເບິ່ງ

ສັ້ນ ເບິ່ງ​​ໄກ້ ​ເບິ່ງ​ແຄມ​ນັ້ນ ຖ້າເຮັດຫຍັງກໍ່ຫລົ້ມເຫລັວ ເຖິງຈະປະສົບ​ຄວາມ​ສຳ​ເຣັດ ກໍ່​ພຽງ​ໄລຍະ​ເວລາ​ສັ້ນໆ​ທໍ່​ນັ້ນ​ເອງ

.11: ກາຣ​ເບິ່ງ​ກາຣ​ໄກຂອງ​ລູກ ຄື​ກາຣ​ເບິ່ງ ​ຢ່າງລອບຄອບ​ຖ້ວນ​ທີ່ ບໍ່​ປະໝາດ​ ໃຫ້ຄິດ​ເຖິງຜົນ​ໄດ້ຜົນເສັຽ ​ແລະ​ຄິດ​ເຖິງ​ ທາງ​ໄປ​ໃສ​ໃວ້ລ່ວງ​ໜ້າ ​

ໃຫ້​ລູກຄິດ​ຫາ​ວິທີ​ລຸກ ​ແລະ​ຕັ້ງ​ຮັບ​ໃວ້ ພ້ອມ​ຈາກນັ້ນ​ ໃຫ້​ລູກຄວນ​ພິຈາຣະນາ​ ໃຫ້​ຫລາຍໆ​ຮອບ ຫລາຍໆ​ທາງ ກາຣ​ເບິ່ງ​ກາຣ​ໄກຂອງ​ລູກ​ນັ້ນ ຕ້ອງ

ບໍ່​ເບິ່ງ​ແຕ່​ປັດຈຸບັນ​ທໍ່​ນັ້ນ ​ແຕ່​ຕ້ອງ​ເບິ່ງ​ເຖິງຣະຍະ​ເວລາ​ຂ້າງ​ໜ້າ ​ເບິ່ງ​ໄປ​​ເຖິງ​ອະນາ​ຄົດ ​ເບິ່ງ​ໄປ​ເຖິງ​ລຸ້ນລູກ​ລຸ້ນຫລານ ທີ່​ຕ້ອງ​ເກີດ​ມາ​ແລະ​ດຳລົງ​ຕະກຸນ

ໃຫ້ຍືນ​ຍົງ​ຍາວ​ນານ​ທີ່​ສຸດ ​ເທົ່າ​ທີ່​ຈະ​ນານໆ​ໄດ້

.12: ຄຳ​ບູຮານ​ຂານ​ກ່າວ​ວ່າ​ໃວ້ ຮັກ​ຍາວ​ໃຫ້​ຕັດ ຮັກ​ສັ້ນ​ໃຫ້​ຕໍ່ ຄຳ​ຕອບ​ກໍ່​ຖື​ວ່າ ຖ້າ​ເຮົາຢາກ​ໃຫ້​ມີ​ອະນາ​ຄົດ​ດີ ມີ​ຊີວິດ​ທີ່​ມີ​ແຕ່​ຄວາມ​ສຸຂ ກໍ່​ຕ້ອງ​ຕັດ

ຄື​ ຕັດຂາດ​ຈາກ​ອະບາຍ​ມຸກ ສິ່ງ​ເສບ​ຕິດ ຕັດຂາດ​ຈາກ​ຄວາມ​ກຽດຄ້ານ ຕັດຂາດ​ຈາກ​ຄວາມ​ຊົ່ວ​ຮ້າຍ ຕັດຂາດ​ຈາກຄວາມ​ຫັນ​ເຫ ຕັດຂາດ​ຈາກ

ກາຣພະຣັນ ຕັດຂາດ​ຈາກ​ຄວາມ​ໂລບ ຄວາມ​ໂກດ ຄວາມຫລົງ ອິດສາຣິສຍາ​ເຊັ່ນ​ນີ້​ແລ້ວ ບໍ່​ນານ​ຊີວິດ​ກໍ່​ຈະ​ຍືນ​ຍາວ​ໝັ້ນ ສັນດານ​ກໍ່​ໃສ​ສ່ອງ

.13: ຄຳ​ໂບຮານ​ຂານ​ກ່າວ​ວ່າ​ໃວ້ ຄົນ​ທີ່​ບອກ​ວ່າ​ຮັກ​ພໍ່ ຮັກ​ແມ່​ນັ້ນ ​ແຕ່​ບໍ່​ເຄີຍ​ເຮັດ​ອັນໃດ ໃຫ້​ພໍ່​ແມ່​ເພິ່ນ​ດີ​ໃຈ ບໍ່​ເຄີຍ​ໃຫ້​ແມ່ນ​ແຕ່​ຄວາມ​ເຄົາຣົບ ບໍ່​ເຄີຍ

ໃຫ້​ແມ່ນ​ແຕ່ຄວາມເອົາ​ອົກ​ເອົາ​ໃຈ ບໍ່​ເຄີຍ​ໃຫ້​ແມ່ນ​ແຕ່ຮອຍ​ຍິ້ມ ບໍ່​ເຄີຍ​ໃຫ້​ແມ່ນ​ແຕ່​ຄວາມ​ເກງ​ໃຈ ບໍ່ເຄີຍ​ໃຫ້​ແມ່ນ​ແຕ່​ນ້ຳ​ໃຈ​ເລັກໆ​ນອ້ຍໆກໍ່​ບໍ່​ມີ ອັນ​ນີ້​ບໍ​

ທີ່​ວ່າ​ລູກ​ຮັກ​ພໍ່​ຮັກ​ແມ່ ມັນ​ເປັນ​ພຽງແຕ່​ຄຳ​ເວົ້າ​ທໍ່​ນັ້ນ ບໍ່​ໄດ້​ສະ​ແດງ​ອອກ​ດ້ວຍ​ກາຣກະທຳ ຫຼື​ ຄຳເວົ້າຂອງ​ພວກ​ແນວ​ລາວຮັກຊາຕ ທີ່​ກ່າວ

ມາ​ວ່າ ຕົນ​ເປັນ​ຄົນ​ຮັກ​ຊາຕໆ​ແຕ່​ສຸດ​ທ້າຍ​ມາ ​ເລີຍ​ບໍ່​ມີ​ຄວາມ​ຮັກ​ຊາຕ​ເລີຍ ມີ​ແຕ່​ພາກັນ​ຂາຍ​ຊາຕໆ​ຢ່າງ​ດຽວ ​ເພາະ​

ຫົວຄິດ​ປັນຍາ​ພວກ​ແນວ​ລາວບໍ່​ສລາດ​ສ່ອງ​ໃສ ມີ​ແຕ່​ພາກັນ​ໄປ​ເປັນ​ຂີ້ຂ້ອຍ ຄົນ​ຕ່າງ​ຊາຕ​ທໍ່​ເອງ ​ເພາະ​ພວກ​ແນວ

ລາວ​ນີ້ ມັນ​ບໍ່​ມີ​ຄວາມ​ເກັ່ງ​ໃຈ ທີ່​ຄຳ​ເວົ້າ​ຂອງ​ພໍ່ ກະ​ດວດ​​ ສອນ​ໃວ້​ເລີຍ

.14: ລູກ​ຈົ່ງ​ຢ່າ​ເບິ່ງ​ ເຫັນ​ວ່າ ພໍ່​ແມ່ ຫຼື​ ຍາດຕິ​ຜູ້​ໃຫ່ຍ ​ເປັນ​ໝູ່​ເຫລັ້ນ​ຂອງ​ລູກ ຈົ່ນ​ຂາດຄວາມ​ເກັງ​ໃຈ ຂໍ​ໃຫ້​ລູກ​ຈົ່ງ​ເຄົາຣົບ​ແລະ​ໃຫ້​ຄວາມ​ເກັງ​ໃຈ

ໃນ​ຕົວ​ຜູ້​ໃຫ່ຍຂອງ​ລູກ​ທຸກ​ຄົນ ເມື່ອ​ເຂົາ​ໃຫ້​ຄວາມ​ເປັນ​ກັນ​ເອງ ລູກ​ຕ້ອງ​ເຄົາຣົບ​ ແລະ​ຢຳ​ເກັງ​ເຂົາ ອັນ​ນີ້​ຕ້ອງ​ເປັນ​ນິ​ສັຍຕິດ​ຕົວ​ລູກຕຣອດ​ໄປ​ເຖີດ

.15: ພໍ່​ ກະ​ດວດ ​ໄດ້​ກ່າວ​ໃວ້ວ່າ ຄົນ​ເຮົາ​ເມື່ອ​ເຮັດ​ຜິດ​ໃຫ້​ຄິດ​ແກ້​ໄຂ ​ແລະ​ເມື່ອ​ຈະ​ແກ້​ໄຂກໍ່​ໃຫ້​ແກ້​ໃນ​ສິ່ງ​ຈຳ​ເປັນ ​ແລະ​ສິ່ງ​ນັ້ນ​ສາມາ​ຖ​ແກ້​ໄດ້ ​

ແລະ​ ຢ່າ​ພະຍາຍາມ​ແກ້​ໄຂ​ໃນ​ສິ່ງທີ່​ແກ້​ບໍ່​ໄດ້ ​ເພາະ​ມັນ​ຈະ​ເກີດ​ຄວາມທຸກ ຖ້າ​ເຮົາ​ໄປ​ແກ້​ໃນ​ສິ່ງ​ທີ່​ແກ້​ບໍ່​ໄດ້​ນັ້ນ

.16: ພໍ່​ ກະ​ດວດ ສອນລູກ​ໃວ້ວ່າ ລູກ​ຈະ​ເວົ້າ​ກັບ​ຜູ້​ໃດ ກໍ່​ຈົ່ງ​ເບິ່ງ​ ໃຫ້​ໄດ້​ເຖິງ​ລັກສະນະຂອງເຂົາວ່າ ຖ້າ​ເຂົາ​ເປັນ​ຄົນ​ພານຫຼື​ບັນ​ຫລິດ ຊຶ່ງ​ຜູ້​ທີ່​ເປັນ

ບັນ​ຫລິດ​ນັ້ນ ຈະ​ບໍ່​ປົກກະຕິ​ຢ່າງອື່ນ ຄິດດີເວົ້າດີ​ຢູ່​ສ​ເມີ ສ່ວນ​ຜູ້​ທີ່​ເປັນ​ຄົນ​ພານ​ນັ້ນ ຈະ​ບໍ່​ເວົ້າ​ປົກກະ​ຕິ​ດີ ມີ​ແຕ່​ຄິດ​ຊົ່ວ​ທຳ​ຊົ່ວ​ ເວົ້າຊົ່ວ​ເປັນນິດ​ສິດ

.17: ພໍ່​ ກະ​ດວດ ​ໄດ້​ສອນ​ໃວ້ວ່າ ​ໃນ​ລັກສະນະ​ຂອງ​ຄົນ​ພານ​ໄດ້​ແກ່(1)ມັກ​ຊັກຊວນເຮົາໄປ​ທາງທີ່​ບໍ່​ຖືກບໍ່​ຄວນ(2)ມັກ​ຫຍຸ່​ງ​ເຣື້ອງອັນ​ບໍ່​ໃຊ້​ຖຸຣະຂອງ

ຕົນ(3)ມັກ​ຕິ ແລະ​ວິຈານ​ໃນ​ທາງ​ເສັຽຫາຍ(4)ຄົນ​ພານ​ນັ້ນ ​ແມ່ນ​ເຮົາ​ເວົ້າ​ດີໆ ​ເຂົາ​ກໍ່​ມີ​ແຕ່​ຮ້າຍ(5)ຄົນ​ທີ່​ບໍ່​ຮູ້ຈັກຣະບຽບ​ ​ວິນັຍ​ຂອງ​ອົງ​ຄ໌ກອນ ພໍ່​ກະ​ດວດ​

ສອນໃວ້ວ່າ ຖ້າ​ພົບ​ຄົນພານ ຈົ່ງ​ດີກ​ໄປ​ໃຫ້​ໄກໆ ແຕ່​ຢ່າ​ເຮັດ​ໃຫ້​ເຂົາ​ຮ້າຍ ​ເພາະ​ມັນ​ຈັກ​ເກີດ​ເຫ​ຕຸ​ໄພ ​ໃຫ້​ແກ່​ຕົນ ແລະ ​ຄອບຄົວ

.18: ພໍ່​ກະ​ດວດ ​ສອນ​ໃວ້ວ່າ ບໍ່​ມີ​ອັນ​ໃດ​ ທີ່​ພໍ່​ແມ່​ຈະ​ເສັຽ​ໃຈ​ໄປ​ຫລາຍ​ກ່ວາ​ນີ້ ກາຣທີ່​ລູກບໍ່ເຄົາຣົບພໍ່​ແມ່ ກາຣທີ່​ລູກ​ບໍ່​ເຊື່ອ​ຟັງ​ພໍ່​ແມ່ ກາຣທີ່​ລູກ​ບໍ່​ຟັງ

ຄຳ​ສອນ​ຂອງ​ພໍ່​ແມ່ ບໍ່​ເຊື່ອຟັງ ​ແລະ​ບໍ່​ເກັງ​ໃຈ​ ປຽບ​ເໝືອນ​ລູກ​ໄດ້ທຳລາຍ​ນ້ຳ​ໃຈຂອງ​ພໍ່​ແລະ​ແມ່​ ຢ່າງ​ຮ້າຍ​ທີ່​ສຸດ ອັນເປັນຄວາມ​ເຈັບ​ປວດ

ສຸດ​ແສນ​ທໍຣະມານ ​ເທື່ອ​ຮູ້​ຈັ່ງ​ຊີ້​ແລ້ວ ລູກ​ກໍ​ຢ່າ​ພາກັນ​ເຮັດພາກັນ​ທຳ ຕໍ່​ໄປ​ອີກ​ເລີຍ

.19: ພໍ່​ກະ​ດວດ​ ໄດ້​ສອນ​ໃວ້ວ່າ ​ໃນ​ຄາວ​ທີ່​ລູກ​ອຸກ​ໃຈ ​ໃນ​ຄາວ​ທີ່​ລູກ​ກຸ້ມ​ໃຈ ​ໃນ​ຄາວ​ທີ່ລູກ​ເສັຽ​ໃຈ ພໍ່​ແລະ​ແມ່​ ມີ​ສ່ວນ​ສຳຄັນ ​ໃນ​ກາຣທີ່​ຈັກຊ່ອຍ​

ເຫລືອ​ໃຫ້​ລູກເຂົ້າ​ໃຈ​​ແລ້ວ ພໍ່​ກໍ່​ໄດ້​​ແນະນຳ​ລູກ ​ແລະ​ກໍ່​ຄ່ອຍ​ປະ​ຄັບ​ປະຄອງ​ໃຫ້​ລູກ​ເຂົ້າ​ໃຈ ​ເຖິງ​ກາຣດຳ​ເນີນ​ຊີວິດ​ວ່າ ​ໃຊ້​ວ່າ​ມີ​ເງິນ​ແລ້ວ ຈັກ​ທຳ​ອັນ

ໃດ ທຸກ​ສິ່ງ​ທຸກ​ຢ່າງ ມັນ​ຕ້ອງ​ຜິດ​ຫວັງ​ເປັນ​ທັມ​ດາ ​ເພາະສະ​ນັ້ນ​ ຢ່າ​ໃຫ້​ລູກ​ຍາກ​ຫລາຍ​ເກີນ​ໄປ ​ເພາະວ່າ ຖ້າ​ຍາກ​ຫລາຍ​ກໍ່​ທຸກ​ຫລາຍ ບໍ່ຍາກ​ກໍ່

ບໍ່​ທຸກ ລູກ​ຈົ່ງ​ຈຳ​ໃວ້​ໃຫ້​ດີ ​ໃນ​ວິທີ​ທາງ​ແກ້​ຕົນ​ເອງ ​ເພື່ອ​ຄວາມ​ສຸຂຂອງ​ລູກ

.20: ພໍ່​ສອນ​ລູກ​ໃວ້ວ່າ ​ລູກ​ຕ້ອງຣະວັງຄົນ​ພິກາຣ​ໃຈ​ໃຫ້​ຫລາຍ ຄົນ​ທີ່​ພິກາຣກາຍ ບໍ່​ໄດ້​ເປັນ​ພິດ​ເປັນ​ໄພ​ແກ່ໃຜ ​ແຕ່​ຖ້າ​ຄົນ​ພິກາຣ​ໃຈ ຍອ່ມສ້າງ

ຄວາມ​ວຸ້ນວາຍ ຄວາມຍຸ້ງຍາກ ໃຫ້ແກ່ມະນຸດແລະສັດ ໃຫ້ໄດ້ຮັບຄວາມເດືອດຮ້ອນ ມາກມາຍຫລາຍເທົ້າ ​ແຕ່​ຕ້ອງ​ໃຫ້​ລູກຣະວັງ​ດີໆ

 

  ຂ່າວສານ​ຕອ້ງອານ​ໃຫ້​ຜ່ອງ​ສັ​ຍ ​ແລ້ວ​ເລີ້ມ​ຂຍາຍຂົນຂວາຍ ແຕ່ທຸກຄົນ ຈະຕ້ອງໄດ້ຮັບຄວາມຮູ້ໄປໃນຕົວ ທີ່ຈະພົບເຫັນອັນໃດໃໝ່ໆ ໃນກາຣ

ປ່ຽນແປງ ທາງກາຣເມືອງ ສັງຄົມ ຫຼື ກາຣຄ້າ ທຸກຄົນເຄີຍພາດແຕ່ບໍ່ຄວນຢ້ານກວາ ອັນນີ້ອາດເປັນສິ່ງທີດີ ຂໍໃຫ້ທ່ານລອງເປີດໂອກາດ ໃຫ້

ຕົວທ່ານເອງອີກຈັກເທື່ອເບິ່ງ ທ່ານເຄີຍຄິດອັນໃດແນ່ ກາຣທີ່ທ່ານໄດ້ມານັ່ງອ່ານຢູ່ໃນຄນະນີ້ ຂໍ້ຄວາມທີ່ທາງຂບວນກາຣລາວອິສຣະ ຂອງພວກເຮົາ

ເລົ່າມານີ້ ແມ່ນໄດ້ເຫັນສິ່ງນີ້ ມັນອາດເປັນລິຄິດຟ້າ ທີ່ໃຫ້ທ່ານຕ້ອງໄດ້ມາອ່ານໃນຄັ້ງນີ້ (ເວົ້າງ່າຍໆ ເຮັດແລ້ວຕ້ອງຮູ້) ຖ້າທ່ານຕົກລົງໃຈແລ້ວ

ທ່ານ​ຕ້ອງຖາມຕົນ​ເອງໄດ້ວ່າ ເຮົາ​ເປັນຢ່າງໃດ ເຮົາຈຶ່ງເວົ້າກ່າວເຖິງລິຄິດຟ້າ ທຳໃຫ້ມາພົບ ເຮົາຕ້ອງຕົກລົງໃຈ ຕໍ່ຈາກນີ້ໄປ ຢາກໃຫ້ທ່ານສະຣະ

ເວລາ ມານັ່ງອານ ນັ່ງຄິດ ສິ່ງທີ່ເຮົາຈະເຊື່ອ ແລ້ວຫວັງວ່າທ່ານຄົງຈະໃຫ້ໂອກາດຕົນເອງ ເພື່ອສິ່ງໃໝ່ໆ ແລະດີຕຣອດໄປ

  ຄົນລາວຈະມີໄຊຊນະ ຕ້ອງພາກັນໃຊ້ອາວຸດທາງປັນຍາ ແລ້ວຄົ້ນຫາຂໍ້ຄວາມຕ່າງໆ ນຳເອົາມາພິຈາຣະນາດ້ວຍຕົນເອງ

ໃຫ້ສ​ແວງຫາດ້ວຍປັນຍາ ຢ່າເພິ່ງພາແຕ່ຄົນອື່ນ ແລ້ວ​ໃຫ້ມາພາກັນມືນຕາເບິ່ງໂລກ ຢ່າໂສກເສົ້າເສັຽໃຈ ໃນຄຳພໍ່ແນະນຳນີ້

                ໃນນາມຂບວນກາຣລາວອິສຣະ  ​ເພື່ອ​ປະຊາທິປະ​ໄຕຍ໌

                   ​ໂດຍ ຊຽງ ສໍ​ຫາດ ອິສຣະ

                       ວັນທີ-25-5-00-